Naxçıvan Müəllimlər İnstitutunun Kitabxanasının təşkilatçılığı ilə İnstitutun şəhid məzunu Kamran Hüseynovun əziz xatirəsinə həsr edilmiş “Kamran və Sənubər” adlı kitabın müzakirəsi keçirilib.
Kitabxananın təşkilatçılığı və institutda Kitabxanaçılıq və informasiya fəaliyyəti ixtisası üzrə qiyabi təhsil alan tələbələrin muxtar respublikada fəaliyyət göstərən kitabxanalarla tanışlığı məqsədilə təşkil olunan müzakirədə “Kamran və Sənubər” kitabının müəllifi, institutun TSPX ixtisası üzrə təhsil alan magistrantı Dilbər Rüstəmova, Kitabxananın bir qrub əməkdaşı da iştirak edib.
Tədbirdə Adil Babayev adına Uşaq Kitabxanasının müdiri Ruzi Süleymanov Naxçıvan Müəllimlər İnstitutunun Kitabxanasının müdiri Aysu Rəsulzadə, kitabxananın əməkdaşları, kitabın ilk oxucularından olan doktorant Aygül Məmmədova və kitabı oxuyub, təhlil edən tələbələr çıxış edib. Müzakirədə iştirak edənlər kitab haqqında öz fikirlərini bildirib, müəllifə gələcək fəaliyyətlərində uğurlar aruzlayıb, bütün şəhidlərimizin xatirəsi dərin ehtiramla anılıb.
ALLAH İnstitutumuzun məzun şəhidləri Kamran Hüseynov və Ruhid İslamlıya rəhmət eləsin!
+4